Ráðgjafarhlutinn býður upp á ýmsa þjónustu fyrir íþróttafélög, keppnislið og einstaklinga sem og íþróttastofnanir, sveitarfélög og fyrirtæki.
Melar Sport eru í samstarfi við Opna háskólann í Háskólanum í Reykjavík um námskeiðahald ásamt því að vera í samstarfi við ýmsa sérfræðinga á sviðum íþrótta- og árangursfræða.
FRÆÐSLUFYRIRLESTRAR
Fræðslufyrirlestrar fyrir iðkendur, þjálfara, foreldra, stjórnendur, fyrirtæki og stofnanir. Fjölbreytt efni fyrirlestra um íþróttir barna og ungmenna sem og afreksíþrótta sniðnir að þörfum hverju sinni. Meðal efnis fræðslufyrirlestra eru til dæmis: forsendur árangurs; samvinna og liðsheild; listin að sigra; gildi íþrótta; íþróttir og brottfall, o.fl.
Einnig er Ólafur Sæmundsson næringarfræðingur með fyrirlestra um næringu, mataræði og fæðubótarefni og Róbert Magnússon sjúkraþjálfari með fjölbreytta fyrirlestra um líkamsbeitingu, styrktarþjálfun og endurhæfingu.
STEFNUMÓTUN OG SKIPULAG
Fyrir íþróttafélög, deildir, foreldrafélög, sem og íþróttastofnanir. Sérstök áhersla á skipulag barna- og unglingastarfs með tilliti til uppeldis- og afreksstefnu.
HVATNINGAFYRIRLESTRAR OG LIÐSVINNA
Markviss og sértæk vinna með íþróttalið og aðra hópa eins og stjórnendur og/eða starfsfólk fyrirtækja og stofnana.
EINSTAKLINGSRÁÐGJÖF
Einstaklingsbundin ráðgjöf fyrir íþróttafólk sem vill bæta árangur sinn.
RANNSÓKNIR OG KANNANIR
Framkvæmum viðhorfskannanir og mælingar fyrir íþróttafélög, íþróttastofnanir, sveitarfélög og fyrirtæki. Spurningalistakannanir og rýnihópar ásamt ráðgjöf um lausnir og stefnumótun.
NÁMSKEIÐAHALD
Melar Sport í samstarfi við Opna háskólann bjóða upp á fjölbreytt námskeið fyrir iðkendur og þjálfara, sem og stjórnendur og starfsfólk fyrirtækja og stofnana. Efni námskeiða er í stöðugri þróun og verða þau auglýst á síðunni sem og í gegnum Opna háskólann hverju sinni.
Nánari upplýsingar veitir Viðar Halldórsson, sími 825 6388/ vidar@melarsport.is
